Abşeron rayonunda 15 yaşlı qız intihara cəhd etdi - VİDEO

Abşeron rayonunda intihara cəhd hadisəsi baş verib. 

Press.az-ın Baku TV-yə istinadən məlumatına görə, hadisə Masazır rayonu Qurtuluş-93 yaşayış kompleksində qeydə alınıb. 

Belə ki, şəxsiyyəti hələlik bəlli olmayan 15 yaşlı qız özünü yaşadığı binanın üçüncü mərtəbəsindən ataraq intihar etmək istəyib. 

Dərhal əraziyə polis və təcili tibbi yardım briqadası əməkdaşları cəlb edilib. 

İntihara cəhd edən yeniyetmə xəstəxanaya yerləşdirilib. Vəziyyəti ağır qiymətləndirilir. 

Hadisənin hansı səbəbdən baş verməsi araşdırılır.