Qarda yıxılaraq xəsarət alanların sayı 71-ə çatıb - YENİLƏNİB

Fevralın 24-dən etibarən saat 13.00-a olan məlumata görə ümumilikdə 71 nəfər (38kişi, 33 qadın) hava şəraiti ilə əlaqədar yıxılaraq müxtəlif dərəcəli bədən xəsarətləri alıb.

Bu barədə Bakı Şəhər Təcili və Təxirəsalınmaz Tibbi Yardım Stansiyasından məlumat verilib.

Qeyd olunub ki, yaralılardan 6-na yerində yardım göstərilib, digərləri xəstəxanaya çatdırılıb.

09.04

Bakıda qarlı havada yıxılaraq xəsarət alanların sayı 64 nəfərə çatıb.

Bakı şəhər Təcili və Təxirəsalınmaz Tibbi Yardım Stansiyasından verilən məlumata görə, fevralın 24-dən etibarən 35 kişi, 29 qadın hava şəraiti ilə əlaqədar yıxılaraq müxtəlif dərəcəli bədən xəsarətləri alıb.

Yaralılardan 5-nə yerində yardım göstərilib, digərləri xəstəxanaya çatdırılıb.