UEFA Çempionlar Liqasında 1/8 final mərhələsinə start verilib.
Press.az xəbər verir ki, ilk oyun günündə iki matç keçirilib.
Böyük maraqla gözlənilən görüş İspaniyada olub. Burada "Barselona" son mövsümün finalçısı PSJ-ni qəbul edib. Oyun qonaqların 4:1 hesablı qələbəsi ilə başa çatıb.
Eyni saatda başlayacaq digər qarşılaşmada “Leypsiq” "Liverpul"u qəbul edib. Koronavirus pandemiyası üzündən Almaniyaya gedə bilməyən Yurgen Kloppun komandası rəqibi ilə Macarıstanın paytaxtı Budapeştdə qarşılaşıb. Bu oyunda da qonaqlar qələbə qazanıb - 2:0.
UEFA Çempionlar Liqası
1/8 finalın ilk oyunları
16 fevral
00:00. “Barselona” (İspaniya) - PSJ (Fransa) - 1:4
Qollar: Messi, 26-pen. (1:0), Mbappe, 32 (1:1), 65 (1:2), Moyze Kin, 70 (1:3), Mbappe, 85 (1:4)
00:00. “Leypsiq” (Almaniya) – “Liverpul” (İngiltərə) - 0:2
Qollar: Salah, 53, Mane, 58