Mingəçevirdə özünü çaya atan şəxs xilas edilib - YENİLƏNİB

16 fevral 2021- ci il tarixində Mingəçevir şəhəri H.Əliyev prospektində 1992-ci il təvəllüdlü Lətifova Əminə Rasim qızı Kür çayının üzərində yerləşən körpüyə çıxaraq intihar məqsədilə özünü çaya atıb.

BAKU.WS Fövqəladə Hallar Nazirliyinə istinadən xəbər verir ki, həmin vaxt təsadüfən ərazidə olan nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin Aran dalğıc-axtarış qrupunun məzuniyyətdə olan xilasedicisi Dosməmmədov  Dosməmməd Qəhrəman oğlu heç bir xilasetmə vasitəsi olmadan suya tullanaraq vətəndaşın həyatını xilas edib.

***19:15***

Mingəçevirdə intihara cəhd olub.

BAKU.WS APA-ya istinadən xəbər verir ki, Ağdaş sakini, 1992-ci il təvəllüdlü Ə.L. özünü körpüdən Kür çayına atıb.

Ətrafdakı insanların köməyi ilə qadın xilas edilərək xəstəxanaya yerləşdirilib.

Faktla bağlı araşdırma aparılır.