“Qalatasaray” ardıcıl 6-cı qələbəsini qazanıb

Türkiyə Super Liqasında 25-ci turun daha 4 oyunu keçirilib.

Press.az xəbər verir ki, liderlər qrupunda qərarlaşan “Qalatasaray” ev matçına çıxıb.

Çempionatın son 5 görüşündə qələbə qazanan “cim-bom” uğurlu seriyanı davam etdirib. Fatih Terimin kollektivi elitada qalmağa çalışan “Kasımpaşa”nı minimal hesabla üstələyib.

“Göztəpə”nin qonağı olan son çempion “Başakşəhər” səfərdən xalsız dönüb.

Turnir cədvəlində qonşu olan “Hatayspor”la “Alanyaspor”un duelində isə sülh qeydə alınıb.

Fevralın 15-də keçiriləcək “Gənclərbirliyi” – “Beşiktaş” (17:00) və “Antalyaspor” – “Yeni Malatyaspor” (20:00) görüşləri ilə tur başa çatacaq.

Türkiyə Super Liqası

25-ci tur

14 fevral

“Konyaspor” – “Dənizlispor” – 2:0

Qollar: Abdulkərim Bardakçı, 52, Sekidika, 80

“Qalatasaray” – “Kasımpaşa” – 2:1

Qollar: Kərəm Aktürkoğlu, 9, Mustafa, 89 (pen.) – Tyelin, 51

“Göztəpə” - “Başakşəhər” – 2:1

Qollar: Soner Aydoğdu, 24, Zulj, 52 (pen.) – Dəniz Turuc, 59

“Hatayspor” – “Alanyaspor” - 0:0