"Beşiktaş" Sergen Yalçınla müqaviləni uzadır

"Beşiktaş" baş məşqçisi Sergen Yalçınla müqaviləsini uzatmaq niyyətindədir.

Press.az goal.com-a istinadən xəbər verir ki, İstanbul klubunun rəhbərliyi 48 yaşlı mütəxəssisin fəaliyyətindən razıdır. Buna görə də Superliqa təmsilçisi çalışdırıcıya 2 illik yeni müqavilə təklif etməyi planlaşdırır.

Qeyd edək ki, "Beşiktaş" bu mövsüm Sergen Yalçının baş məşqçiliyi altında 48 xal toplayıb və turnir cədvəlində 2-cidir.