logo
First slide

Azərbaycanın avtomobil bazarının inkişafı ilə bağlı təkliflər hazırlanıb

12 Feb 2021 rating_stars rating_stars rating_stars rating_stars rating_stars

Azərbaycan Avtomobillər Dilerləri Assosiasiyası ölkədə avtomobil bazarının inkişaf etdirilməsi ilə bağlı təkliflər hazırlayıb.

Press.az APA-ya istinadən xəbər verir ki, bunu "Postpandemiya dövründə vergi sistemi" mövzusuna həsr olunan konfransda çıxış edən Assosiasiyanın üzvü Emil İsmayılov deyib.

Onun sözlərinə görə, pandemiya ilə əlaqədar tətbiq olunan məhdudiyyətlər rəsmi avtomobil bazarında vəziyyəti son dərəcədə çətinləşdirib və rəsmi avtomobil dilerlərinin fəaliyyətinə ciddi zərər vurub.

"Bu müddətdə işlənmiş və istismar müddəti 10 ildən artıq olan avtomobillərin ölkəyə idxalı, vətəndaşların alıcılıq qabiliyyətinin aşağı olmasından və yeni avtomobillərin satışını stimullaşdırıcı amillərin olmamasından irəli gəlir. Nəticədə, ekoloji cəhətdən zərərli və keyfiyyəti aşağı olan avtomobillər ölkəyə idxal olunur. Yaranan vəziyyətdən çıxış yolları araşdırılaraq, ölkənin avtomobil sektorunda dinamik inkişafına nail olmaq, satış göstəricilərini artırmaq, büdcəyə ayrılan vergilərin həcmini yüksəltmək, iş yerlərinin qoruyub-saxlanması və bütövlükdə ölkə və cəmiyyətin həyatında aktiv iştirak naminə Assosiasiya tərəfindən bəzi təkliflər hazırlanıb", - deyə E. İsmayılov qeyd edib.

Assosiasiyanın üzvü bu təkliflər sırasında ən başlıca yeni avtomobillər üçün imtiyaz və güzəştlərin verilməsi, idxal zamanı şərtlərin yüngülləşdirilməsi kimi amillər durur.

"Təbii ki, bu nəticə etibarı ilə avtomobillərin idxal və satışlarının, eyni zamanda, büdcəyə rüsum yığımlarının artmasına, ölkədə avtoparkının yenilənməsinə, ekologiya və yol hərəkəti təhlükəsizliklə bağlı vəziyyətin sağlamlaşmasına gətirib çıxaracaq. Digər önəmli məsələ ekoloji təmiz avtomobillərin idxalında təşviq və imtiyazların verilməsidir. Burada söhbət elektrik və hibrid avtomobillərin idxal və satışı zamanı imtiyazların tətbiq olunmasından gedir", - deyə E. İsmayılov bildirib.

Təkliflərdə ölkədə sivil ikinci əl avtomobillər bazarının formalaşmasının təşviq edilməsi də yer alıb. Belə ki, E. İsmayılovun sözlərinə görə, hazırda rəsmi dilerlər əhalidən qəbul etdikləri avtomobilləri yenidən satdıqları zaman ƏDV əlavə etməli olurlar, bu da "qara bazar"la müqayisədə rəqabətliliyi aşağı salır: "Təklif ondan ibarətdir ki, bununla bağlı digər qonşu ölkələrin təcrübəsindən istifadə olunsun və sonda yeni avtomobillərin əlçatan olması, yeni kredit və lizinq imkanlarının təşviq edilməsi də təklif olunur".

Oxşar xəbərlər
OTACI
OTACI