logo
First slide

Ermənilər Xocavənddə Qaregin Njdeyə qoyduqları heykəli götürməyə məcbur oldular

12 Feb 2021 rating_stars rating_stars rating_stars rating_stars rating_stars

Erməni nasist Qaregin Njdenin Azərbaycanın Xocavənd şəhərində yeni qoyulan heykəli götürülüb.

 “Panorama.am” xəbər verir ki, bunu müstəqil deputat Sofya Ovsepyan bildirib.

“Abidə dəqiq sökülüb və Tarix Muzeyinə daşınıb”, - o vurğulayıb.

Erməni sosial şəbəkə istifadəçiləri yazırlar ki, abidə Azərbaycan və Türkiyə tərəfinin təkidli tələbləri ilə yığışdırılıb.

"Aparaj" nəşrinin ötən gün yaydığı məlumata görə, Qarabağda yerləşdirilən Rusiya sülhməramlı kontingentinin yüksək rütbəli zabiti şəhər "merindən" abidənin sökülməsini tələb etmiş, lakin "mer" Edik Avanesyan bundan imtina edərək bildirmişdi: "Sabah da Montenin heykəlini sökməyi istəyərsiniz". Buna baxmayaraq, ermənilər heykəli götürməyə məcbur olublar.

Qeyd edək ki, sentyabrın 27-də Qarabağda başladılan “Dəmir yumruq” əməliyyatı nəticəsində Xocavənd rayonunun böyük hissəsi erməni işğalından azad olunub. Rayon mərkəzi hazırda ermənilərin və Rusiya sülhməramlılarının nəzarəti altındadır. Noyabrın 10-da əldə olunan atəşkəs razılaşmasından sonra ermənilər Xocavənd şəhərində Qaregin Njdenin abidənin açılışını etmişdilər.

Report

Oxşar xəbərlər
OTACI
OTACI