Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

İşsizlikdən sığorta ödənişinin hesablanması qaydaları dəyişdirilir

22 Jan 2021 rating_stars rating_stars rating_stars rating_stars rating_stars

İşsizlikdən sığorta ödənişinin hesablanması qaydaları dəyişdirilir.

Press.Az-ın xəbərinə görə, bununla bağlı “İşsizlikdən sığorta haqqında” qanuna dəyişiklik təklif edilir.

Qanunun qüvvədə olan variantına əsasən, işsizlikdən sığorta ödənişinin təyin edilməsi ilə bağlı elektron xidmətlər Əmək və Əhalinin Sosial Müdafiəsi Nazirliyinin mərkəzləşdirilmiş elektron informasiya sistemi vasitəsi ilə həyata keçirilir.

Təklif olunan qanun layihəsi sığorta ödənişinin hesablanması üçün orta aylıq əməkhaqqının məbləğinin nazirliyin mərkəzləşdirilmiş elektron informasiya sistemində sığortaolunanın sığorta haqları üzrə hesabatlarında olan aylıq gəlirləri barədə məlumatlar əsasında müəyyən edilməsini nəzərdə tutur.

Bununla da orta əməkhaqqının hesablanması (sığorta ödənişi orta əməkhaqqından hesablanır) üçün zəruri olan aylıq gəlirlər barədə məlumatların avtomatlaşdırılmış qaydada əldə olunması təmin olunur.

Nəticədə sığorta ödənişinin təyinatı zamanı vətəndaş-məmur təması, habelə sığortaolunan və sığortaedən tərəfindən müxtəlif sənədlərin təqdim edilməsi zərurəti aradan qaldırılır.

Layihə parlamentin yaz sessiyasında müzakirə olunacaq.

Oxşar xəbərlər
OTACI