logo
First slide

Astaradakı güclü yanğın söndürüldü - YENİLƏNİB

11 Jan 2021 rating_stars rating_stars rating_stars rating_stars rating_stars

Ötən gün axşam saatlarında Astara rayonunun Alaşa kəndi yaxınlığında qayalıq ərazidə başlanan yanğın saat 17:05-də söndürülüb. 

Bu barədə Fövqəladə Hallar Nazirliyi məlumat yayıb.

10:47

Ötən gün axşam saatlarında Fövqəladə Hallar Nazirliyinin Böhran Vəziyyətlərində İdarəetmə Mərkəzinə Astara rayonunun Alaşa kəndi yaxınlığında yanğın olması barədə məlumat daxil olub.

Nazirlikdən bildirilib ki, məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri hadisənin baş verdiyi əraziyə cəlb olunub.

İlkin məlumata görə, 15 hektar sahədə quru ot və kol-kos yanır. Yanğının çətin keçilən mürəkkəb relyefli qayalıq ərazidə olması yanğınsöndürmə işlərini çətinləşdirir.

Yanğınsöndürmə işlərinin sürətləndirilməsi üçün Fövqəladə Hallar Nazirliyi tərəfindən əlavə qüvvələr cəlb olunub. Eyni zamanda, Ekologiya və Təbii Sərvətlər Nazirliyinin əməkdaşları yanğının söndürülməsində iştirak edir. 

Əlavə məlumat veriləcək.

Oxşar xəbərlər
OTACI
OTACI