David Bekhemın sahibi olduğu “İnter Mayami” baş məşqçisi Dieqo Alonso ilə yollarını ayırıb.
Press.az xəbər verir ki, bu barədə klubun rəsmi saytı məlumat yayıb. 46 yaşlı mütəxəssislə müqaviləyə qarşılıqlı razılaşma əsasında xitam verildiyi bildirilib.
Uruqvaylı mütəxəssis 2019-cu ildən komandanı çalışdırırdı.
Qeyd edək ki, “İnter Mayami” Alonsonun baş məşqçiliyi altında 2020-ci il mövsümünü Şərq konfransında 10-cu pillədə tamamlayıb.