İraq məhkəməsi Trampın həbsi haqqında qərar çıxarıb

İraq məhkəməsi ABŞ prezidenti Donald Trampın həbsi barədə qərar çıxarıb.

Press.az “Sputnik Türkiye”yə istinadən xəbər verir ki, qərar Haşdi Şabi təşkilatının sədr müavini Əbu Mehdi Mühəndis və yoldaşlarının öldürülməsi işi üzrə aparılan istintaq çərçivəsində qəbul edilib.

Xatırladaq ki, ötən ilin yanvarın 3-də ABŞ-ın Bağdad hava limanı yaxınlığına endirdiyi hava zərbələri nəticəsində İran İslam İnqilabı Keşikçiləri Korpusunun (“Sepah”) Qüds qanadının komandiri, general Qasım Süleymani və Əbu Mehdi Mühəndis zərərsizləşdirilmişdi.