Tovuzda ölümlə nəticələnən qəza baş verib

Tovuz rayonunda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin Mətbuat Xidmətindən Press.az-a verilən məlumata görə, hadisə noyabrın 30-da saat 19 radələrində Tovuz rayonunun Aşağı Öysüzlü kəndi ərazisində qeydə alınıb.

Kənd sakini Ə.Hüseynov idarə etdiyi “KrAZ” markalı avtomobillə yolu keçən həmkəndlisi Mehman Məmmədovu vurub.

Piyada aldığı xəsarətlər nəticəsində xəstəxanaya yerləşdirilib və orada ölüb.

Tovuz RPŞ tərəfindən araşdırma aparılır.