"Sabah" 6 turdan sonra qalib gəldi - Yenilənib

Bu gün Azərbaycan Premyer Liqasında 10-cu tura yekun vurulub.

Press.az xəbər verir ki, son oyun gününə bir görüş keçirilib. "Sabah" öz meydanında "Səbail"lə qarşılaşıb. Ardıcıl 6 oyundur məğlub olan meydan sahibləri bu görüşdə tilsimi qıraraq 2:1 hesablı qələbə qazanıb.

Qeyd edək ki, daha əvvəl noyabrın 21-nə nəzərdə tutulan bu oyun qonaq komandanın heyətində 4 futbolçunun koronavirus testi müsbət çıxdığı üçün təxirə salınmışdı.

23 noyabr

Azərbaycan Premyer Liqası, 10-cu tur

16:00. "Sabah" - "Səbail" - 2:1

Qollar: Amadu Diallo, 11 (1:0), Amin Seydiyev, 33 (2:0), Rauf Əliyev, 90+5 (2:1)

Hakimlər: Rəşad Əhmədov, Cavanşir Yusifov, Eyyub İbrahimov, Tural Qurbanov

Bank Respublika Arena