logo
First slide

“Neftçi”nin daha bir futbolçusu koronavirusa yoluxdu

22 Nov 2020 rating_stars rating_stars rating_stars rating_stars rating_stars

“Oyun başqa hesabla bitsəydi belə, bunu anlayışla qarşılayacaqdım. Çünki ilk görüşdür. Yeni baş məşqçinin istədiklərini həyata keçirmək, oyunda tətbiq etmək hər bir futbolçu üçün çətindir. Bunun öhdəsindən bu cür oyunçularla gələcəyimizə inanıram”.

Bu fikirləri “Neftçi”nin baş məşqçisi Samir Abasov Premyer Liqanın X turunda səfərdə “Qəbələ”ni 4:1 hesabı ilə məğlub etdikləri matçdan sonra mətbuat konfransında deyib.

Mütəxəssis komandasının oyunundan razı qalmadığını bildirib:

“Matça kimi də bəzi problemlərimiz var idi. Bütün komanda şəklində məşq etməmişdik. Əsas heyətin 6-7 üzvü ilə hazırlıq keçirdik. Millinin düşərgəsində olanlar sonradan qoşuldular.

Əfsuslar olsun, bütün dünyada olan pandemiya bizim futbolçuları da tutdu ki, bu da planlarımıza mane oldu. Bununla belə, buradan qalib ayrılırıq. İnanıram ki, oyunumuz getdikcə yaxşılaşacaq”.

Abasov kapitan Emin Mahmudovla yanaşı, daha bir futbolçunun koronavirusa yoluxduğunu söyləyib:

“Mahmudovla yanaşı, Mirabdulla Abbasov da COVID-19-a yoluxduğu üçün buraya gəlməyib. O, bizimlə cəmi bir dəfə məşq etdi. Çox həvəsli idi, bizi ümidləndirmişdi. Bu gün 100 faiz meydana çıxacaqdı, amma təəssüf ki, testin cavabı pozitiv oldu”.

Report

Oxşar xəbərlər
OTACI
OTACI