Mbappe "TOP-5"də

PSJ-nin futbolçusu Kilian Mbappe klub tarixində ən çox qol vuran 5 futbolçu sırasında yer alıb.

Press.az Fransa mətbuatına istinadən xəbər verir ki, 21 yaşlı hücumçu Liqa-1-in 11-ci turunda "Monako"ya qarşı matçda (2:3) dubl edərək buna nail olub. Paris təmsilçisində vurduğu qolların sayını 99-a çatdıran fransalı oyunçu klub tarixində ən çox fərqlənən 5-ci futbolçu olub.

Qeyd edək ki, siyahıya 200 qolla Edinson Kavani başçılıq edir.Zlatan İbrahimoviç (156) 2-ci, Pedro Pauleta (109) 3-cü, Dominik Roşto (100) 4-cüdür.