Evində ölü tapılan şəxs bu qurumun MÜSTƏNTİQİDİR

Xəbər verdiyimiz kimi, Fövqəladə Hallar Nazirliyinin (FHN) "112" qaynar telefon xəttinə daxil olan məlumata əsasən, Bakı şəhərinin Xətai rayonunda 1 nəfər mənzildə bağlı qapı arxasında köməksiz vəziyyətdə qalıb.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1975-ci il təvəllüdlü Cəfərov Emin Muradxan oğlunun meyitini aidiyyəti üzrə təhvil veriblər.

Press.az xəbər verir ki, Unikal.org-un əldə etdiyi məlumata görə, evdə meyiti tapılan  Emin Cəfərov İqtisadiyyat nazirliyi yanında Dövlət Vergi Xidmətində müstəntiq işləyirdi.
Bundan əlavə mərhum paytaxtdakı məşhur supermarketlərdən hesab edilən Qara Qarayevdə yerləşən  "BestMart"ın sahibidir.