“Zirə”nin legionerində koronavirus aşkarlandı

“Zirə” klubunun futbolçusu Klesio Bauk koronavirusa yoluxub.

Press.az xəbər verir ki, bu barədə “A Bola” nəşri məlumat yayıb.

Hazırda Mozambik yığmasının düşərgəsində yer alan 26 yaşlı yarımmüdafiəçinin koronavirus testi müsbət çıxıb. Onunla yanaşı, millinin daha 7 futbolçusunda virus aşkarlanıb.

Mozambik yığması dünən Afrika Millətlər Kubokunda Kamerunla (0:2) qarşılaşıb. Koronavirusa yoluxduğu məhz dünən müəyyənləşən oyunçular həmin görüşdə iştirak etməyiblər.