"Biz evimizə 3 xalı gətirə bilmədik, amma ruhdan düşmürük".
Press.az xəbər verir ki, bu sözləri millimizin hücumçusu Ramil Şeydayev Millətlər Liqasının 5-ci turunda Monteneqro ilə qolsuz heç-heçə etdikləri oyundan sonra İnstaqram hesabında yazıb.
"Sabah"ın futbolçusu qrup mərhələsinin sonuncu turunda Lüksemburqla keçiriləcək oyuna hazırlaşdıqlarını bildirib: "Biz komandayıq və mütləq uğura birlikdə nail olacağıq".
Qeyd edək ki, noyabrın 17-də "Jozi Bartel" stadionunda keçiriləcək Lüksemburq - Azərbaycan oyunu Bakı vaxtı ilə saat 23:45-də başlayacaq.