Azərbaycanın FİFA referisi Rauf Cabbarov UEFA-dan 21 yaşlı futbolçular arasında Avropa Çempionatının matçına təyinat alıb.
Press.az AFFA-nın rəsmi saytına istinadən xəbər verir ki, o Ukrayna - Şimali İrlandiya qarşılaşmasını idarə edəcək.
Cabbarova yan xətt hakimləri qismində Elşad Abdullayev və Pərvin Talıbov kömək edəcək. Dördüncü hakim funksiyasını Elçin Məsiyev yerinə yetirəcək.
Qeyd edək ki, noyabrın 17-də keçiriləcək qarşılaşma Bakı vaxtı ilə 20:30-da başlayacaq.