Ağdaşda şəhidimizin oğlu dünyaya gəldi - Atasının adını qoydular

Qarabağda Vətən müharibəsində şəhid olmuş Anar İsrafilovun şəhadətinin 14-cü günündə övladı dünyaya gəlib. Qələbə günü doğulan uşaq ailəyə təsəlli, ümiddir. Körpə atasının adını daşıyacaq.

Press.az virtualaz.org-a istinadən bildirir ki,ananın da körpənin də səhhəti normaldır. 

Ağdaş rayonunun Ləki qəsəbə sakini olan 3 uşaq atası, 30 yaşlı Anar müharibənin ilk günündə cəbhəyə gedib. O, Füzuli istiqamətində gedən döyüşlərdə şəhid olub. Yaxınları deyir ki, Anarın şəhid olmasına üzüldükləri qədər, körpənin doğulmasına seviniblər. Ailə Anara söz vdrib ki, balaca Anar da atası kimi vətənpərvər böyüdüləcək, vətəninə layiqli övlad olacaq.