“Ümid edirəm, daha “Dağlıq Qarabağ münaqişəsi” ifadəsini işlətməyəcəyik” - Putin

“Dağlıq Qarabağda hərbi əməliyyatlar tamamilə dayandırılıb”.

Press.az TASS-a isitnadən xəbər verir ki, bunu Rusiya Prezidenti Vladimir Putin Dağlıq Qarabağ bölgəsindəki humanitar məsələlərin həlli ilə bağlı iclasda deyib. O bildirib ki, Azərbaycan Prezidenti və Ermənistanın baş naziri ilə imzalanmış üçtərəfli bəyanat vəziyyəti sabitləşdirməyə imkan verdi.

“Atışma və toqquşmalar tamamilə dayandı. Ümid edirəm ki, biz artıq “Dağlıq Qarabağ münaqişəsi” ifadəsindən istifadə etməyəcəyik və tezliklə digər məsələləri müzakirə edəcəyik”, - deyə Putin qeyd edib.