Nazirlik bəzi müəllimlərin virtual dərslərdə iştirak etməməsinə aydınlıq gətirib

Bəzi müəllimlər virtual dərslərə qoşulmur, amma bu, bilərəkdən edilmir.

Press.az-ın məlumatına görə, bunu Təhsil Nazirliyinin Ümumi və məktəbəqədər təhsil şöbəsinin müdir müavini Orxan Abbasov deyib.

Onun sözlərinə görə, bu hal ya onların kompüterinin, ya da internetinin olmaması səbəbindən baş verir. O.Abbasov bildirib ki, bununla bağlı yerli təhsil orqanlarına da müvafiq tapşırıqlar verilir:

“Digər tərəfdən, dərslərin hibrid, onlayn keçirilməsi onun dərs yükünün artırılması demək deyil. Müəllim nə qədər dərs saatı keçməli idisə, o qədər də dərs keçir. Bununla bağlı Təhsil Nazirliyi tərəfindən müxtəlif təlimatlar hazırlanıb”.