Rusiyada bir gündə 346 nəfər koronavirusdan öldü

Rusiyada koronavirusa yoluxanların sayı 1,56 milyon nəfəri keçib.

Press.az-ın məlumatına görə, ölkədə son sutka ərzində 16 202 nəfər virusa yoluxub, 346 nəfər isə həyatını itirib.

Ölüm halları ölkədə bugünədək qeydə alınan ən yüksək göstərici olub. Ötən gün 320 nəfərin ölümü qeydə alınmışdı.

Bu günə qədər Rusiyada 1 563 976 nəfər infeksiyaya yoluxub, ölənlərin sayı 26 935 nəfərə çatıb.

Ölkə ərazisində ümumilikdə 1 171 301 nəfər virusdan sağalıb, 365 740 nəfərin müalicəsi isə davam edir.