Ermənistan silahlı qüvvələri tərəfindən Bərdə rayonu ərazisinə raket atılması nəticəsində yaralananların sayı 13 nəfərə çatıb.
Press.az-ın məlumatına görə, bu barədə "Report"un cəbhə bölgəsinə ezam olunmuş əməkdaşı xəbər verir.
Raket atəşi nəticəsində ölənlərin sayı isə 4 nəfərdir.
17:53
Ermənistan silahlı qüvvələri tərəfindən Bərdə rayonu ərazisinə raket atılması nəticəsində ölənlərin sayı 4-ə çatıb.
Press.az-ın məlumatına görə, bu barədə "Report"un cəbhə bölgəsinə ezam olunmuş əməkdaşı xəbər verir.
Ölənlər Ofelya Cəfərova, Ehtiram İsmayılov, Aybəniz Əhmədova və İsgəndərova Aysu Rövşən qızıdır.
17:43
Oktyabrın 27-i saat 16:40 radələrində Ermənistan silahlı qüvvələri tərəfindən Bərdə rayonu ərazisinə raket atması nəticəsində iki nəfərin ölməsi ilə yanaşı bir neçə kənd sakini də ağır yaralanıb.
Bu barədə Report-un cəbhə bölgəsinə ezam olunmuş əməkdaşı xəbər verir.
Ölənlərin sayı 3 nəfərdir, 10 nəfər xəsarət alıb.
Onlar xəstəxanaya aparılıb. Yaralılardan içərisində azyaşlılar da var.
17:30
Ermənistan növbəti dəfə dinc əhalini raket atəşinə tutub.
Press.az-ın məlumatına görə, Ermənistan Ordusu tərəfindən atılan raket Bərdə rayonunun Qarayusifli kəndi ərazisinə düşüb.
Hadisə nəticəsində bir mülki şəxs həlak olub, yaralılar var.