"Dinamo"da koronavirus

Kiyev "Dinamo"sunda Çempionlar Liqasının qrup mərhələsinin 2-ci turunda "Ferentsvaroş"la oyun öncəsi koronavirus aşkarlanıb.

Press.az klubun saytına istinadən xəbər verir ki, Ukrayna təmsilçisində 3 nəfər koronavirus yoluxub. Bunlar qapıçı Georgi Buşan, müdafiəçi Vitaliy Mikolenko və fitness məşqçisi Vitaliy Kulıbadır. Onların hazırda karantində olduğu bildirilib.

Digər oyunçuların və məşqçilərin koronavirus testlərinin mənfi çıxdığı və onların oktyabrın 28-i keçiriləcək matç üçün Budapeştə yollanacağı vurğulanıb.