38 oyunluq antirekord

"Bolonya” İtaliya A Seriyasının 5-ci turunda “Latsio”ya uduzmaqla (1:2) antirekorda imza atıb.

Press.az İtaliya mətbuatına istinadən xəbər verir ki, komanda A Seriyasında ardıcıl 38-ci oyunda qapısından qol buraxır. Bu, “böyük beşlik” çempionatlarında antirekorddur. Komanda bu oyunlarda ümumilikdə 69 top buraxıb.

“Bolonya” sonuncu dəfə 2019-cu il sentyabrın 25-də, “Cenoa” ilə görüşdə qapısını toxunulmaz saxlamağı bacarıb.