"Qarabağ"ın rəqibindən xal itkisi

"Qarabağ"ın Avropa Liqasının qrup mərhələsindəki rəqiblərindən olan "Vilyarreal" La Liqada növbəti oyuna çıxıb.

Press.az xəbər verir ki, komanda 7-cu turda səfərdə "Kadiz"lə qarşılaşıb. Matç qolsuz bərabərliklə başa çatıb.

Qeyd edək ki, hazırda "Real" turnir cədvəlində 13 xalla (6 oyun) 1-ci, "Vilyarreal" 12 xalla 2-ci, "Atletiko" 11 xalla (5 oyun) 3-cü pillədə qərarlaşıb.

Əlavə edək ki, "Qarabağ"ın Avroliqanın qrup mərhələsinin 2-ci turunda oktyabrın 29-u "Vilyarreal"la qarşılaşacaq. Dağlıq Qarabağdakı gərgin vəziyyətlə əlaqədar görüş Bakıda yox, Türkiyənin “Başakşəhər Fatih Terim” stadionunda keçiriləcək.