Millimizin baş məşqçisi Canni De Byazi 2016-cı ildə İtaliya Futbol Federasiyasından təklif alıb.
Press.az "Punto Nuovo"ya istinadən xəbər verir ki, bu barədə federasiyanın sabiq prezidenti Karlo Tavekkio bildirib. O bildirib ki, həmin ərəfədə danışıqlar apardığı dörd mütəxəssisdən biri De Byazi olub. K.Tavvekionun sözlərinə görə, əvvəlcə Fabio Kapello və Roberto Donadoni ilə danışıqlar aparıblar, ancaq razılıq əldə etməyiblər: "Bundan sonra siyahıda Canni De Byazi ilə Campyero Venturanın adları qalmışdı. Albaniya Futbol Federasiyasının prezidenti Arman Duka FİFA-nın işinə qarışaraq, De Byazinin qarşısını kəsdi".
Qeyd edək ki, Canni De Byazi bu ilin avqustunda millimizə baş məşqçi təyin olunub. O, Albaniya yığmasına 2011 - 2017-ci illərdə rəhbərlik edib.