“Qarabağ”ın Avropa Liqasının qrup mərhələsindəki rəqibi "Vilyarreal"ın aparıcı futbolçularından hesab olunan Jerar Moreno zədələnib.
Press.az İspaniya mətbuatına istinadən xəbər verir ki, 28 yaşlı hücumçu məşq zamanı sol ayaq budundan xəsarət alıb.
Oyunçunun, təxminən 3 həftə yaşıl meydanlardan kənarda qalacağı bildirilib. Buna görə də o, qrup mərhələsinin 2-ci turunda "Qarabağ"la matçı buraxa bilər.
Morenonun komandaya qayıtma müddətinin zədənin sonrakı vəziyyətindən asılı olacağı qeyd olunub.
Xatırladaq ki, 29 oktyabrda keçiriləcək "Qarabağ" – “Vilyareal” qarşılaşması 21:55-də başlayacaq.