Azərbaycanlı FİFA referisi Əliyar Ağayev növbəti dəfə beynəlxalq təyinat alıb.
Press.az qurumun saytına istinadən xəbə verir ki, 33 yaşlı baş hakim Millətlər Liqasında Bolqarıstan - Uels matçını idarə edəcək.
Ona yan xətt hakimləri qismində Akif Əmirəli və Zeynal Zeynalov kömək edəcək. Rəhim Həsənov isə dördüncü hakim funksiyasını yerinə yetirəcək.
Albaniyalı Sokol Yareçi hakim-inspektor, litvalı Vladimir Buzmakov isə UEFA nümayəndəsi olacaq.
Qeyd edək ki, 14 oktyabr B Liqasının 4-cü qrupunda Sofiyadakı Vasil Levski adına Milli Stadionda keçiriləcək qarşılaşma Bakı vaxtı ilə 22:45-də başlanacaq.