Avropada ev qiymətlərinin bahalaşdığı və ucuzlaşdığı ölkələrin adları açıqlanıb

2019-cu illə müqayisədə cari il Avropa İttifaqında ev qiymətlərində ən çox artım müşahidə olunan ölkələr Lüksemburq (+13,3%), Polşa (+10,9%) və Slovakiya (+9,7%) olub.

Bu barədə Avropa İttifaqı Statistika Bürosu (EUROSTAT) məlumat yayıb.

Avropada ev qiymətlərinin ucuzlaşdığı ölkələr siyahısına isə Macarıstan (-5,6%) və Kipr (-2,9%) başçılıq edir.

Bu ilin ikinci rübünün nəticələrinə görə, Avropa ölkələrində mənzil qiymətləri əvvəlki rüblə müqayisədə orta hesabla 5% artıb.

Bundan əlavə, Avropada mənzil sahibi olanlar koronavirus pandemiyası səbəbindən tələbat azaldığı üçün daşınmaz əmlaklarını böyük endirimlərlə satırlar.