Gənclər və İdman Nazirliyi ordumuza hərbi maşın hədiyyə etdi - FOTO

Gənclər və İdman Nazirliyi Səfərbərlik və Hərbi Xidmətə Çağırış üzrə Dövlət Xidmətinə hərbi maşın hədiyyə edib.

Bu barədə Press.Az-a Nazirliyinin mətbuat katibi Səmayə Məmmədova məlumat verib.

“Bu gün Gənclər və İdman Nazirliyinin əməkdaşları, gənclər təşkilatlarının üzvləri, idmançılar bir araya gələrək cəbhəyə maşın hədiyyə edib. Təbii ki, daha böyük hədiyyənin verilməsini istərdik. Əsgərlərimiz daha böyük hədiyyələrə layiqdirlər. Bu kiçik hədiyyəni gənclər və idmançılar adından qəbul etmələrini istərdik. Fərid Mansurov maşının açarını Hərbi Komissarlığa təhvil verib”, - deyə S.Məmmədova bildirib.