BMT-nin Təhlükəsizlik Şurası sentyabrın 29-da qapalı məsləhətləşmələr formatında Dağlıq Qarabağdakı vəziyyətlə bağlı təcili müzakirə keçirməyə hazırlaşır.
TASS agentliyi bu barədə BMT-də olan mənbəyə istinadən məlumat yayıb.
“Çox güman ki, müzakirələr çərşənbə axşamı (29 sentyabr) qapalı formatda baş tutacaq”, - deyə mənbədən bildirilib.
Müzakirənin keçirilməsinə dair bir sıra Avropa ölkələri təşəbbüslə çıxış edib.
Məsləhətləşmələrin formatına əsasən, Təhlükəsizlik Şurasının 15 ölkəsindən olan diplomatlar münaqişə tərəflərinin nümayəndələrinin iştirakı olmadan müzakirələr aparacaq.