"Tottenhem"in oyunu koronavirusa görə təxirə salındı

İngiltərə Liqa Kubokunda bu günə nəzərdə tutulan “Leyton Oriyent” – “Tottenhem” oyunu baş tutmayacaq.

Press.az "Sky Sports"a istinadən xəbər verir ki, buna meydan sahibi komandanın futbolçuları arasında koroinavirusa kütləvi yoluxma halı səbəb olub. Görüş Bakı vaxtı ilə saat 21:00-da start götürməli idi.

Oyunun nə vaxtsa oynanılacağı və ya tamamilə ləğv olunacağı barədə müzakirələrin davam etdirildiyi bildirilib. Premyer Liqadakı sıx qrafik səbəbindən “Leyton Oriyent”ə texniki məğlubiyyət veriləcəyi də istisan edilmir.