logo
First slide

Bakıda şagirdlər arasında yüksək temperatur qeydə alınıbmı?

15 Sep 2020 rating_stars rating_stars rating_stars rating_stars rating_stars

Bakı Şəhəri üzrə Təhsil İdarəsinə bu gün hər hansı bir şagirddə temperaturun yüksək olması ilə bağlı məlumat daxil olmayıb.

Press.az xəbər verir ki, bu barədə "Report"un sorğusuna cavab olaraq İdarədən bildirilib. 

Qeyd olunub ki, məktəbə daxil olan hər bir şagirdin temperaturu ölçülüb:

"Bakı Şəhəri üzrə Təhsil İdarəsinin tabeliyindəki təhsil müəssisələrində tədris və təlim-tərbiyə prosesi Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”na uyğun olaraq təşkil olunub.

Həmçinin təhsil müəssisələri virus əleyhinə qoruyucu vasitələr, dezinfeksiyaedici maddələr və temperatur ölçən cihazlarla  təmin edilib. Eyni zamanda məktəblərin həyətyanı ərazilərində sosial məsafənin saxlanılması üçün işarələnmələr aparılıb, maarifləndirici lövhələr yerləşdirilib.

Sinif otaqlarında şagirdlər arasında məsafə saxlanılıb, qaydalara uyğun olaraq, bir parta arxasında yalnız bir şagirdin oturması təmin edilib. İdarənin tabeliyindəki ümumi təhsil müəssisələrində mütəmadi olararaq dezinfeksiya işləri həyata keçirilir".

Oxşar xəbərlər
OTACI
OTACI