logo
First slide

Karantində qanunsuz arayış verən vəzifəli şəxsin məhkəməsi başlayır

09 Sep 2020 rating_stars rating_stars rating_stars rating_stars rating_stars

Vəzifə səlahiyyətlərindən sui-istifadədə təqsirləndirilən Quba Rayon İcra Hakimiyyəti başçısının Vladimirovka kənd İnzibati ərazi dairəsi üzrə nümayəndəsi İslam Abayevin barəsində başlanan cinayət işinin istintaqı yekunlaşıb.

Cinayət işi baxılması üçün Quba Rayon Məhkəməsinə göndərilib. Cinayət işi hakim Rahim Həsənovun icraatına verilib.

Qeyd edək ki, koronavirus infeksiyasının respublika ərazisində yarada biləcəyi təhlükənin qarşısının alınması, profilaktik və təxirəsalınmaz tədbirlərin həyata keçirilməsi məqsədilə Prezident İlham Əliyevin tapşırığı ilə yaradılan Nazirlər Kabineti yanında operativ qərargah tərəfindən elan edilən xüsusi karantin rejimi qaydalarının müxtəlif yollarla pozulması ilə bağlı aparılan araşdırmalar zamanı Quba Rayon İcra Hakimiyyəti başçısının Vladimirovka kənd İnzibati ərazi dairəsi üzrə nümayəndəsi İslam Abayevin vəzifə saxtakarlığı edərək ayrı-ayrı şəxslərə Qusar rayonuna getmələrinə dair qanunsuz arayışlar verməsinə şübhələr müəyyən edilib.

Toplanan materiallar üzrə Quba rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

APA

Oxşar xəbərlər
OTACI
OTACI