Bu gün UEFA Avropa Liqasında 1-ci təsnifat mərhələsinin püşkü atılıb.
Press.az xəbər verir ki, Bakı vaxtı ilə saat 14:00-da başlayan püşkatma mərasimi zamanı Azərbaycan təmsilçilərindən "Neftçi", "Keşlə" və "Sumqayıt"ın da rəqibi bəlli olub.
"Neftçi" Makedoniyanın "Şkupi, "Keşlə" isə Albaniyanın "Laçi” komandası ilə qarşılaşacaq. Hər iki komandamız rəqibi ilə evdə üz-üzə gələcək.
Avrokubokların debütantı “Sumqayıt” isə Şimali Makedoniyanın "Şkendiya" klubuna rəqib olub. “Gənclik şəhəri” təmsilçisi də debüt matçını evdə keçirəcək.
Qeyd edək ki, 1-ci təsnifat mərhələsinin oyunları avqustun 27-də gerçəkləşəcək.