Zukerberqin sərvəti ilk dəfə 100 milyard dolları keçdi

Dünyanın ən zəngin insanlarından biri hesab olunan, “Facebook”un yaradıcısı Mark Zukerberqin sərvəti ilk dəfə 100 milyard dolları keçib.

Bu barədə “Bloomberg” məlumat yayıb.

“Bloomberg Billionaires Index”ə əsasən, M.Zukerberqlə yanaşı, “Amazon”un rəhbəri Ceff Bezos və “Microsoft”un rəhbəri Bill Qeyts 100 milyard dollardan artıq sərvətə sahibdir.

Son il ərzində M.Zukerberq sərvətini 22, C.Bezos isə 75 milyard dollar artıra bilib.