“Vergi ödəyiciləri pandemiya çərçivəsində ən çox əziyyət çəkən sahələrdən biridir. Kütləvi şəkildə toplanma olduğu üçün kinoteatrlar və bu kimi müəssisələr bu kateqoriyalardandır”.
Press.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
Onun sözlərinə görə, dövlət tərəfindən dəstək çərçivəsində birinci proses zamanı bu kimi strukturlar nəzərə alınmışdı:
“Vergi ödəyicilərinə ikinci yardımların verilməsi prosesi başlayır. Dövlət tərəfindən özəl sektor qarşısında qoyulan tələblərdən biri işçilərin ixtisara salınmamasıdır”.
H.Hacıyev qeyd edib ki, hazırda kütləvi toplaşmanı özündə ehtiva edən müəssisələrin fəaliyyətinə icazə verilmir:
“Aidiyyəti kanallar vasitəsilə nüraciət olan zaman onların müraciətləri nəzərdən keçiriləcək və yardımlara baxılacaq”.