Gürcüstanda koronavirusa yoluxanların sayı 1171 nəfərə çatıb

Gürcüstanda son bir sutka ərzində yeni növ koronavirusa daha (COVID-19) 3 yoluxma halı qeydə alınıb.

Press.az APA-ya istinadla xəbər verir, bu barədə Gürcüstan hökumətinin koronavorusla mübarizə çərçivəsində yaratdığı xüsusi internet saytında məlumat verilib. Bununla da qonşu ölkədə koronavirusa yoluxanların sayı 1171 nəfərə çatıb.

Qeyd edək ki, Gürcüstanda koronavirus səbəbi ilə hazırda 6588 nəfər karantində saxlanılır, 323 nəfər isə stasionar şəraitdə müalicə olunur.

Yoluxanlardan 947 nəfərin sağaldığı, 17 nəfərin isə vəfat etdiyi bildirilir.