Son sutkada Qırğızıstanda koronavirusdan 14 nəfər ölüb

Son sutka ərzində Qırğızıstanda koronavirusuna 662 nəfər yoluxub ki, bunun 221-i Bişkekin payına düşüb. Beləliklə, pandemiya dövründə virusdan xəstələnənlərin ümumi sayı 35 min 605 nəfərə çatıb.

Press.az AZƏRTAC-a istinadən bildirir ki, bunu Qırğızıstan Səhiyyə Nazirliyinin səlahiyyətli nümayəndəsi Aynura Akmatova Bişkekdə keçirdiyi brifinqdə söyləyib. O deyib ki, son sutkada virusdan 14, ümumiyyətlə isə 1378 xəstə dünyasını dəyişib.

Son 24 saat ərzində virusa 25, bütünlükdə isə 2768 tibb işçisi yoluxub.

Qeyd edək ki, ötən gecə 184 Qırğızıstan vətəndaşı Novosibirskdən ölkəyə gətirilib.