Keçmiş baş epidemioloqun qardaşı koronavirusdan öldü - FOTO

Azərbaycanda müəllim koronavirusdan ölüb.

Press.Az-ın məlumatına görə, bu barədə “Azərbaycan Universitetləri” səhifəsində məlumat paylaşılıb.

Bildirilib ki, Azərbaycan Dövlət İqtisad Universitetinin (UNEC) Xarici dillər kafedrasının baş müəllimi, “İqtisadiyyat” fakültəsinin ingilis dili üzrə fakültə rəhbəri Əlifağa Ağayev koronavirusdan vəfat edib.

Mərhum ölkənin baş epidemioloqu İbadulla Ağayevin qardaşıdır.

Qeyd edək ki, Səhiyyə Nazirliyinin baş epidemioloqu İbadulla Ağayev bir müddət əvvəl öz ərizəsi ilə tutduğu vəzifədən azad edilib.