Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

Alimlər: Koronavirus daha çox yoluxucu olub

29 Jul 2020 rating_stars rating_stars rating_stars rating_stars rating_stars

Koronavirus təkamülü zamanı, ola bilsin, mutasiyaya uğramağı dayandırıb və nəticədə insan orqanizminə daha yaxşı uyğunlaşa bilib. Bu, onun daha çox yoluxucu olmasına imkan verib.

TASS xəbər verir ki, bu fikri Honkonq Politexnik Universitetinin alimləri irəli sürüblər.

Tədqiqat zamanı onlar meqapolisdə koronavirusun hazırkı - üçüncü dalğası zamanı 20-dən çox xəstədən əldə edilən ştammları müqayisə ediblər və onların xaricdən “idxal edilən” infeksiya nümunələri ilə genetik identikliyini müəyyən ediblər.

“Koronavirus bənzər araşdırmalar apardığımız birinci və ikinci dalğalar zamanı mutasiyaya uğramağa davam edirdi. Bu dəfə isə nəticələr fərqli oldu. Bu onu göstərir ki, ya virus insan orqanizminə uyğunlaşıb və mutasiyaya uğramağı dayandırıb, ya da yoluxanların hamısı qısa müddət ərzində bir yerdə yoluxublar”, - Universitetin dosenti Gilman Siu vurğulayıb.

Qeyd edək ki, iyulun 5-dən etibarən Honkonqda üçhəftəlik sıfır yoluxma səviyyəsinin ardından yenidən koronavirus yayılmağa başlayıb. Son bir həftə ərzində dünyanın ən sıx məskunlaşmış meqapolislərindən birində hər gün yüzdən çox yoluxma hadisəsi qeydə alınır, ümumi yoluxma hallarının sayı isə üç minə yaxınlaşır.

Pandemiyanın başlanmasından bu yana dünyada 16,7 milyondan çox insan koronavirusa yoluxub, 660 mindən çox insan ölüb.

Oxşar xəbərlər
OTACI