Bakıda xəstəxanada soyğunçuluq edən şəxs tutulub.
Press.Az xəbər verir ki, iyulun 27-də Xətai rayonunda yerləşən xəstəxananın stomatoloji otağında, tibb bacılarından birinin, içərisində 400 manatı və sənədləri olan pulqabısını soyğunçuluq yolu ilə ələ keçirən şəxs DİN Baş Mühafizəsi İdarəsinin əməkdaşları tərəfindən saxlanılaraq 37-ci polis şöbəsinə təhvil verilib.
Araşdırma zamanı, onun Abşeron rayon sakini, əvvəllər məhkum olunmuş V.Əlizadə olması müəyyən edilib.
Xətai RPİ İstintaq şöbəsində CM-nin 180.1-ci (soyğunçuluq) maddəsi ilə cinayət işi başlanılıb.