İbrahimoviçdən iddialı açıqlama

"Milan"ın isveçli hücumçusu Zlatan İbrahimoviç karyerasını bitirəcəyi ilə bağlı fikrilərə münasibət bildirib.

Press.az xəbər verir ki, 39 yaşlı futbolçu sosial şəbəkə hesablarında video paylaşaraq bunları yazıb:

"Karyeramın sona çatdığını düşünənlər məni tanımırlar. Mən sizin kimi deyiləm. Əgər hər şeyin başa çatdığını düşünürsünüzsə, yanılırsınız. Bütün həyatım boyu mübarizə aparmaq məcburiyyətində qalmışam. Heç kim mənə inanmırdı. Buna görə də mən özümə inandım. Bəzi insanlar məni hesabdan silmək istəyirdi. Amma məni daha da güclü etdilər. Və indi mənim tükəndiyimi düşünürsünüz. Hamınıza demək istədiyim yeganə şey var: Mən Zlatan İbrahimoviçəm və hələ yeni qızışıram".