“İkinci yer ölkə kubokunu qazanmaqdan yaxşıdır” – Qvardiola

“Mançester Siti” bu mövsümü Premyer Liqada ikinci yerdə başa vurmağa yaxındır.

Press.az-ın Britaniya mətbuatına istinadən yaydığı xəbərə görə, baş məşqçi Xosep Qvardiola deyib ki, ikincilik İngiltərə kubokunu qazanmaqdan yaxşıdır:

“Rəqibimiz (“Liverpul” nəzərdə tutulur – red.) bu mövsüm inanılmaz bir performans nümayiş etdirdi. Biz isə o səviyyədə deyildik. Liqanı ikinci yerdə tamamlamaq İngiltərə kubokunu qazanmaqdan, yaxud Çempionlar Liqasına qatılmaqdan daha yaxşıdır. Biz bu mövsüm ən yaxşı deyildik, “Liverpul” elə idi. “Mançester Siti” isə digər 18 komandadan güclü oldu”.