Yasamalda qadının çantasını ələ keçirən soyğunçu tutulub

Yasamalda qadının çantasını ələ keçirən soyğunçu tutulub.

Press.Az xəbər verir ki, iyulun 9-u saat 11 radələrində Ş.Mehdiyev küçəsində naməlum şəxs Bakı şəhər sakini Q.Kərimovanın, içərisində 294 manat pulu olan çantasını soyğunçuluq yolu ilə ələ keçirib.

Həmin şəxs ərazidə xidmət aparan Yasamal Post-Patrul Xidməti Bölüyünun (PPXB) əməkdaşları tərəfindən saxlanılaraq 27-ci polis bölməsinə təhvil verilib.

Araşdırma zamanı onun, paytaxt sakini, əvvəllər məhkum olunmuş Z.Aslanov olması müəyyən edilib. 

Yasamal RPİ İstintaq şöbəsində CM-nin 180.1-ci (soyğunçuluq) maddəsi ilə cinayət işi başlanılıb.