Göygöl və Samuxda oğurluq və soyğunçuluq edənlər tutulub

Göygöl və Samuxda oğurluq və soyğunçuluq edənlər tutulub

Press.Az xəbər verir ki, Göygöl və Samux RPŞ əməkdaşlarının birgə keçirdikləri əməliyyat-axtarış tədbirləri nəticəsində iyulun 5-də Göygöl rayonunun Yeni Zod kənd sakini S.Vəliyevin həyətyanı sahəsindən 2 baş inək oğurlayan Samux rayon sakinləri E.Rüstəmov, T.Süleymanov, E.Məmmədov və Gəncə şəhər sakini N.Dərgahov saxlanılıblar.  

Araşdırma zamanı, onların Samux rayon ərazisində yerləşən evdən mobil telefon və bir ədəd sırğanı soyğunçuluq yolu ilə ələ keçirməsi məlum olub.

Faktlarla bağlı CM-nin 177-ci (oğurluq) və 180-ci (soyğunçuluq) maddələri ilə cinayət işi başlanılıb.