Siyəzən, Yevlax və Sabirabad sakinlərindən çətənə kolları götürülüb
Press.Az xəbər verir ki, Siyəzən RPŞ əməkdaşlarının keçirdikləri əməliyyat tədbiri nəticəsində rayon sakini Ə.Məlikovun
evinin həyətindən kultivasiya yolu ilə yetişdirilmiş 81 ədəd çətənə kolu aşkar edilib.
Bundan başqa, Yevlax RPŞ-nin əməkdaşları Köyük kənd sakini F.İbrahimovun həyətyanı sahəsində kultivasiya yolu ilə yetişdirilmiş 7 ədəd çətənə kolu və 11 qramdan artıq marixuana aşkar ediblər.
Sabirabad RPŞ-nin əməkdaşları keçirdikləri əməliyyat tədbiri nəticəsində Rüstəmli kənd sakini M.Mirzəlinin həyətyanı sahəsində kultivasiya yolu ilə yetişdirilmiş 18 ədəd çətənə kolu aşkar ediblər.
RPŞ İstintaq bölmələrində CM-nin 237-ci (qanunsuz olaraq tərkibində narkotik maddələr olan bitkiləri kultivasiya etmə) maddəsi ilə cinayət işləri başlanılıb.